“ائلیمرا رضازاده” دن ایکی شئعر

“ائلیمرا رضازاده” دن ایکی شئعر

  دان سۆکۆلۆشۆن‌دن اۆرکن بایقوش کیمی‌یم قارانلؽق‌دا یالنؽزجاسؽنا سۆمسۆنۆرم سس‌سیزلیک پۆسگۆرن خییاوانلارؽ سویوق آلوْو دولانؽر کۆچه‌لرده دونور یانان کؤنلۆم من سیغاراما سؽغؽنمؽش سن‌سیزلیک ساچؽرام شهر ایسه اؤلۆم قوخویور… ائلمیرا رضازاده   یانلؽزلؽق   قارانلؽق‌دایام… بایقوش سایاغؽ دان آچؽلماسؽن گؤزله‌یه‌مم گئجه- گئجه یالنؽزجا سس‌سیزلیک پۆسکۆرن خییاوانلارؽ آددؽملایؽرام کۆچه‌لرده سویوق آلوْولار دوندورور شهر اؤلۆم قوخویور من ایسه سیغارایا سؽغؽنمؽش سن‌سیزلیک ساچیرام… ائلمیرا رضازاده      

بیشتر بخوانید

غریبه هاوادیر / ائلمیرا رضازاده

غریبه هاوادیر / ائلمیرا رضازاده

  غریبه هاوادؽر کؤنلۆمۆن هاواسؽ یارؽ بولودلو گۆنش چؽخؽر شیمشک اونو پارچالایؽر یارؽ بؤلۆنۆر سئوگیم… بیر آز خیالؽن بیر آز حسرتین اورتادا من کۆل اولورام چاخؽلان شیمشک‌له سن … سئویشیرسن یاد تن‌لر‌له… من اونوتماغا چالؽشؽرام بۆتۆن گۆنشلی گۆنلری آمما کؤنلۆم هله ده یارؽ بولودلو ائلمیرا رضازاده

بیشتر بخوانید

سئوینج نه دیر / ائلمیزا رضازاده

سئوینج نه دیر / ائلمیزا رضازاده

 سئوینج نه‌دیر دئدی سوسدوم سانکؽ سئوینجین آنلاتماغا سؽغمایان یؤنۆ وارمؽش کیمی گؤزلرینه باخدؽم… …سئوینج بیر گۆن سنین گؤزلرین درین باخؽشؽن بلکی بیر گۆن گۆلۆشۆن گؤزل سسین ایستی قوجاغؽن توخونونجا جان آلان اللرین بلکی بیر گۆن  تکجه نفسینین سسی… … بلکه سنی سایؽقلادؽغؽم بۆتۆن آنؽلار  یوخودا گؤردۆیۆم رویا… …بیلدیییم تک شئی سئوینج سنین وارلؽغؽن دئدیم هر زامان کی گۆلۆشۆ ایله منی اۆره‌یینه یولجو ائتدی ائلمیرا رضازاده

بیشتر بخوانید

سئودین‌می سن؟ / ائلمیزا رضازاده

سئودین‌می سن؟ / ائلمیزا رضازاده

 سئودین‌می سن؟ یوخسا کؤنلۆمه توخونوب پارچالاماق‌می ایسته‌دین سئودین‌می سن؟ یوخسا یانان کؤنلۆمۆ آلوولاندؽرماق‌می ایسته‌دین سئودین‌می سن؟ یوخسا اللریمی توتوب منی سئودایا سۆرۆکله‌ییب آنؽ‌دن بوراخماق‌می ایسته‌دین سئودین‌می سن؟ سئوگی نه‌دیر بیلدین‌می سن؟ سئودین‌می سن؟ … ائلمیرا رضازاده

بیشتر بخوانید

اوره ییمین قوجامان نیسگیلی / ائلمیرا رضازاده

اوره ییمین قوجامان نیسگیلی / ائلمیرا رضازاده

اۆره‌ییمین قوجامان نیسگیلی کئشکه منی اونودان کیمی سنی اونوتسام نه یازؽق هله‌ده گؤزلرین گۆلۆر گؤزلریمه ایللردیر کئچمه‌میش آغرؽسؽ ائله‌ بیل زهرلی بیر اوخ‌دور سانجؽلؽب اۆره‌ییمین هر پارچاسؽنا سئوگی بومو اللاهؽم سئومه‌سیدیم کئشکه… ائلمیرا رضازاده  

بیشتر بخوانید

عاقلیمدا دانس ائدن خاطیره‌لر

عاقلیمدا دانس ائدن خاطیره‌لر

 آغلؽم‌دا دانس ائدن خاطیره‌لر اۆره‌ییمه سانجؽلؽر پایؽزؽن سازاغؽ تک. آرزولارؽم، سئوینجیم یارپاق اولوب، یئر اۆزۆنه سریلیر.  او آن سن کوْر اۆره‌یین‌له فؽرتؽنا اولوب بۆتۆن یئره دۆشن خزللری قؽشؽن اورتاسؽنا گؤتۆرۆرسن من  اؤلۆرم  آغ قلم ایله یازارام سئوینجی بلکه فلک گؤرمه‌یه، اوخومایا قورخورام او پوزا منیم یازؽمؽ یازا باشدان، اؤز ایسته‌دییینی غملی، کدرلی یازا گۆنۆمۆ آغلار یازا قارا قلم آلا یئنه الینه بختیمین اۆستۆن قارالایا، کورلایا ائلمیرا

بیشتر بخوانید

شاختا پۆسگۆرن باخؽشلارؽن

شاختا پۆسگۆرن باخؽشلارؽن

اۆره‌‌ییمی دوندوردو دوداقلارؽم بوزلادؽ  سؤزلریم آغزؽم‌دا قار قارلادؽ سوسدوم بلکی آنلارسؽن سیر-سیر باغلامؽش کیپریکلریم‌دن آخان گؤز یاشلارؽم‌دان دئیه…  سئوگیمی سن اومورسامادؽن گئتدین من… تیتره‌دیم سویوق‌دان آرتؽق دیزلریم ده گۆج یوخ چؤکدۆم… یؽخؽلدؽم… کابوسا سون نقطه قویدو آتشلی اؤوۆشۆن دوداقلارؽما قونارکن من سنین قوللارؽن‌دا یوخو‌دان دوردوم ائلمیرا رضازاده

بیشتر بخوانید