قوصصه یولونو یاخشی هامار ائیله‌دی گئتدی آیدینلیغیمی گوزگوده تار ائیله‌دی گئتدی چارپازجاسینا اوچدو الیمدن توزو قالدی یالقیزلیغیمی یاغلی زومار ائیله‌دی گئتدی کئفلندی جانیم گؤزلرینین لاله باغیندا کئفسیز جانیمی، کئفلی خومار ائیله‌دی گئتدی سولطان اولوبان دویغوسو دونیایا جالاندی حسرت یاشیمی کؤهنه شعار ائیله‌دی گئتدی تلفن سیمی تک قیرخ بوروق اولموشدو یولاق‌لار لال سئوگیمیزی یول‌لارا جار ائله‌دی گئتدی ریحان بویالی سؤزلریله گؤیلومو آلدی اویدوم سؤزونه قلبیمی نار ائیله‌دی گئتدی جان‌لاردان ایراق جان داماریم دای کارا گلمیر جان‌سیز…

  باغچامیزدا نار واریدی، من اونو چوخ سئوردیم، یازین گولن آیی تومورجوقلار سانکی سالخیم چیراغ‌دیر، بئله گؤزل ساللاناردی کی، هله بیرده یارپاقلارین آراسیندا گؤره‌یدین، گؤزلر دویمازدی باخماقدان، سونرا دا نارلار دوگمه‌له‌نردی، گونه بیر جانلاشیب بؤیویردیلر، یارپاقلار یام-یاشیل، نارلار ایسه بوزاراردیلار، پاییز مارشی سسلنینجه یارپاقلارین رنگی آتاردی، سارالیب توشردیلر، آما نارلار او اینجه بوداقلاردا کوفلاناردیلار، گاه ساغا گاه سولا، گؤز اوخشایان بیر سئوگی گلئیلیسی. دورنالار کؤچنده نارلارین اوزو قیزاراردی، آنام تاپشیراردی: اوزونو آل ساخلا قیزیم، سئون…

اییده آغاجی‌نین ساری ساچ‌لاری شاهیدی اولاجاق دوداقلاریمین سن‌ین گؤزلرینه شعر یازاندا دردی دئشیله‌جک یاناق‌لاریمین “جانای”